صباح الخير يا مصورين...
سؤال اتقال اكتر من مرة على جروب الواتس اب بيقول ايه ؟؟
"ازاي اظبط فلاشي" "باور الفلاش بيلسع مني" "مش عارف المفروض اضرب باور كام للفلاش" وغيرها من صيغ السؤال دة

بص يا سيدي تقدير قيمة الفلاش ليها طريقتين
 الاولي حسابية عن طريق انك بتشوف ميتر الاضاءة كام وبتعوض النقص بباور الفلاش عن طريق حاجة حسابية سريعه وخفيفة بانك عارف ال guide number  بتاع فلاشك ع الفول باور
 والgn = فتحة العدسة * المسافة 
 خليني اديك مثال انا بشتغل مثلا بv860ii ودة الgnبتاعه 60 ف الطبيعي لو هحط الفلاش ع بعد 2 متر (6.5 قدم)  وانا تقريبا بشتغل ع فتحة معينه زي f2.8  ف انا تقريبا هبقي محتاج gn =18 يبقي الباور اللي محتاجة حوالي 30? من باور الفلاش  أعمل الفلاش على ربع وارجع شوية صغيرة
  الثانية تقديرية ودي الاريح واللي انا بشتغل بيها انت بتظبط الكاميرا ع الخلفية كاضاءة مظبوطة وبعدها بتظبط ع العنصر وهتعرف الفرق بين الاتنين بميتر الاضاءة بردو
 طبعا بالنهار هتلاقيك مع الiso القليل والشمس في الخلفية العالية ف هتلاقيك بتستعمل باور عالي اوي
ع عكس بالليل هتلاقيك بتشتغل ب iso عالي وشاتر بطئ هتلاقيك محتاج باور قليل 

شوية ملحوظات صغيرة كدة وانت شغال
اللي بيأثر في باور الفلاش اوي فتحة العدسة يعني لو محتاج تنقل في الاضاءات ع الشخص سواء تعلي او توطي الاسهل إنك توسع او تضيق الفتحة 
واللي بيأثر ع الخلفية اوي الشاتر سبيد والiso

#منقول